Есірткі – адамның денсаулығына және әлеуметтік өміріне ауыр зардап әкелуі мүмкін қауіпті зат. Оның заңсыз айналымы қоғам қауіпсіздігіне де үлкен қатер төндіреді. Сондықтан есірткі қылмысының алдын алу құқық қорғау органдары жұмысының маңызды бағыттарының бірі болып отыр. Азаматтар күмәнді ұсыныстардан, белгісіз заттарды тарататын адамдардан және заңсыз әрекеттерге шақырудан аулақ болуы қажет. Жастар арасында есірткінің зияны туралы түсіндіру жұмыстары тұрақты жүргізілгені маңызды. Білім беру ұйымдарында ата-аналар мен мамандардың бірлескен жұмысы да нәтижелі болуы мүмкін. Есірткіге қарсы күрес тек жазалау шараларымен шектелмей, алдын алу жұмыстарын да қамтуы тиіс. Салауатты орта қалыптастыру – есірткіге қарсы ең маңызды қорғаныстардың бірі.
Айжарық КӨПТІЛЕУОВ