Көлік құралын мас күйінде басқару – жолдағы қауіпсіздікке тікелей қатер төндіретін әрекет. Алкоголь адамның реакциясын баяулатып, жол жағдайын дұрыс бағалау қабілетін төмендетеді. Мұндай жағдайда жүргізуші күтпеген жағдайға дер кезінде жауап бере алмауы мүмкін. Қазақстан заңнамасында алкогольдік немесе есірткілік масаң күйде көлік басқарғаны үшін жауапкершілік қарастырылған. Жолға шығар алдында жүргізуші өзінің және айналасындағылардың қауіпсіздігін бірінші орынға қоюы керек. «Аз ғана ішімдік ішкен едім» деген сылтау жолдағы қауіптің салдарын өзгертпейді. Мас күйдегі көлік – өзге адамдардың өміріне қауіп төндіретін қару секілді. Сондықтан рөлге мас күйінде отырмау – заң талабы ғана емес, адам өміріне деген құрмет.
Құралбек СӘБИТОВ