Қоршаған ортаның тазалығы – қоғамның өмір сүру сапасына тікелей әсер ететін маңызды мәселе. Таза ауа, таза су және көрікті табиғат – келер ұрпаққа қалдыратын ең үлкен мұраның бірі.
Осы тұрғыдан алғанда «Таза Қазақстан» бастамасының маңызы зор. Бұл – тек сенбілік өткізу немесе көшелерді тазалаумен шектелетін жұмыс емес. Бұл – табиғатқа деген көзқарасты өзгертіп, экологиялық мәдениетті қалыптастыруға бағытталған ортақ қозғалыс.
Әсіресе жастардың табиғатты қорғау ісіне белсенді араласуы маңызды. Жас ұрпақ қоршаған ортаға ұқыптылықпен қарауды бүгіннен үйренсе, ертең бұл қоғамның қалыпты өмір салтына айналады.
Тазалық пен тәртіп қатар жүрген жерде жауапкершілік те күшейеді. Сондықтан еліміздің көркеюі мен табиғатының сақталуы әрқайсымыздың қарапайым әрекетімізден басталады.
Сая ЕРБОЛАТҚЫЗЫ