Туған жерге деген сүйіспеншілік үлкен сөзден емес, күнделікті қарапайым істерден басталады. Өз аулаңды таза ұстау, көшені ластамау, табиғатқа зиян келтірмеу – туған өлкеге деген жанашырлықтың айқын көрінісі.
«Таза Қазақстан» бастамасының басты мақсаты да – қоғамда осындай жауапкершілікті қалыптастыру. Өйткені елдің тазалығы әрбір азаматтың әрекетіне байланысты.
Қоршаған ортаның жағдайына бейжай қарамау – бүгінгі күннің маңызды талабы. Табиғи ресурстарды ұқыпты пайдалану, қоқысты кез келген жерге тастамау және жасыл желекті қорғау арқылы әр адам болашақ ұрпаққа өз үлесін қоса алады.
Таза ауыл, таза қала, таза табиғат – баршамыздың ортақ еңбегіміздің нәтижесі. Сондықтан туған жердің тазалығын сақтау әр азаматтың парызы болуы тиіс.
Алтынай СЕЙІТКЕН