Цифрлық технологиялар дамыған сайын интернеттегі қауіпсіздік мәселесі де өзекті бола түсуде. Әлеуметтік желілерде жеке мәліметтерді жариялау немесе белгісіз сілтемелерге өту азаматтарды алаяқтардың құрбанына айналдыруы мүмкін. Сондықтан әрбір қолданушы құпиясөздерін қорғап, банк картасының деректерін бөгде адамдарға бермеуі қажет. Интернет арқылы күмәнді ұсыныстар түскен жағдайда ақпараттың шынайылығын тексерген жөн. Балалар мен жасөспірімдерге желідегі қауіптер туралы түсіндіру жұмыстары тұрақты жүргізілуі тиіс. Киберқауіпсіздік ережелерін білу жеке мүлікті және дербес ақпаратты қорғауға көмектеседі. Интернетті жауапкершілікпен пайдалану – заманауи қоғамдағы қауіпсіздіктің маңызды бөлігі.
Тоғжан ЖОЛДЫҒАЛИ