Қоршаған ортаның ластануын азайту үшін тұрмыстық қалдықтарды дұрыс басқару мәселесіне ерекше назар аудару қажет. Пластик, қағаз, шыны және басқа да қайта өңдеуге жарамды заттарды бөлек жинау табиғи ресурстарды үнемдеуге мүмкіндік береді. «Таза Қазақстан» бастамасы аясында тұрғындар арасында экологиялық сауаттылықты арттырудың маңызы зор. Қалдықтарды сұрыптау мәдениетін қалыптастыру арқылы полигондарға түсетін қоқыс көлемін азайтуға болады. Табиғатты қорғауға бағытталған әрбір шағын қадам үлкен экологиялық нәтижеге жол ашады.
Құралбек СӘБИТОВ