Жасанды интеллект білім беру саласына жаңа мүмкіндіктер әкеліп, оқыту тәсілдерін жетілдіруге ықпал етуде. Оның көмегімен оқушылардың білім деңгейіне сәйкес тапсырмалар әзірлеп, оқу материалдарын түсіндіруді жеңілдетуге болады. Қазақстанда орта білім беру жүйесіне жасанды интеллектіні енгізу бойынша 2026–2029 жылдарға арналған кешенді шаралар қарастырылған. Бұл бастамалар цифрлық инфрақұрылымды дамытуға, педагогтердің біліктілігін арттыруға және оқушылардың жеке қажеттіліктеріне бейімделген оқытуды қолдауға бағытталған. Жасанды интеллект мұғалімді алмастырмайды, керісінше, оның жұмысын жеңілдететін қосымша құрал ретінде қолданылады. Дегенмен оқушылар ақпаратты сыни тұрғыдан бағалап, дайын жауаптарды көшірмей, өз бетінше ойлауға дағдылануы керек. Технология мен ұстаз тәжірибесінің үйлесуі білім сапасын арттыруға мүмкіндік береді.
Тоғжан ЖОЛДЫҒАЛИ