Теңге ілу – жылқы жануары мен жігіттің үндестігін, ептілігі мен шапшаңдығын паш ететін тартымды спорт. Шабандоз атпен шауып келе жатып жерде жатқан теңгені қолмен іліп алуы қажет.
Астанада 8-13 қыркүйек күндері аралығында өтетін V Дүниежүзілік көшпенділер ойындары аясында теңге ілу жарысы 11-13 қыркүйек аралығында этноауыл алаңында өткізіледі.
Көшпенділер ойындарында көкпар, бәйге, қазақ күресі, түркі халықтарының күрес түрлері, асық ату, алыптар сайысы (powerful nomad), аударыспақ, теңге ілу, дәстүрлі садақ ату, жамбы ату, таяқ тарту (мас-рестлинг), арқан тартыс, тоғызқұмалақ сынды көшпелі жұрттың 21 спорт түрінен жарыстар, мәдени бағдарлама, ғылыми конференция өтеді.
Дүниежүзілік көшпенділер ойындарына 100-ге жуық елден 2000-нан аса спортшы қатысады.
Билеттерді zakazbiletov.kz сайтынан алуға болады.
