Су тасқыны жағдайына мониторинг жүргізу мақсатында Алматы облысы ТЖД бастығының міндетін уақытша атқарушы Д. Д. Оразбеков “Қазавиақұтқару” Ми-8 тікұшағының бортында аумақтарды айналып өтті. Бағыт Бартоғай су қоймасы, Ақтоған ауылы, Масақ ауылы, Іле өзенінің 164-ші шақырымы, сондай-ақ Бақанас, Бақбақты және Жиделі елді мекендерін қоса алғанда, Еңбекшіқазақ және Балқаш аудандарының су тасқыны қаупі бар учаскелері арқылы өтті.
Тиісті органдардың өкілдерімен бірлесіп өзендерге, су қоймаларына және қар жамылғысына аэровизуалды тексеру жүргізілді. Мониторинг нәтижелері бойынша су нысандарының жай-күйіне және қар қалыңдығының деңгейіне баға берілді, сондай-ақ су тасқыны кезеңінің қауіпсіз өтуін қамтамасыз етуге бағытталған мемлекеттік органдарға ұсыныстар әзірленді.
Алматы облысының ТЖД алдын алу шараларын жалғастыруда және гидрологиялық жағдайдың өзгеруіне жедел ден қоя отырып, жағдайды бақылауда ұстайды.
Алматы облысы ТЖД баспасөз қызметі
