2025 жылғы 9–10 маусымда Астанадағы Sheraton Astana қонақүйінде Кавказ және Орталық Азия елдерінің құрылыс саласына арналған Халықаралық Форум өтеді. Іс-шараны Кәсіби инженерлер – консультанттар Қазақстандық ұлттық қауымдастығы мен Грузия инженерлер-кеңесшілер қауымдастығы, Hogan Lovells және Intelligent Solution LLC компанияларымен бірлесіп, Қазақстан Республикасы Көлік министрлігінің қолдауымен ұйымдастырады.
Бұл форум құрылыс саласының жетекші өкілдері, мемлекеттік органдар, халықаралық қаржы институттары, инжинирингтік компаниялар, мердігерлер және заң ұйымдары арасындағы диалогқа арналған маңызды алаңға айналады. Мақсаты — инфрақұрылымдық жобалардың тұрақты дамуына ықпал ету, озық тәжірибелермен алмасу және өңір елдері арасындағы әріптестікті кеңейту.
Форумның негізгі тақырыптары:
- Өңірлік инфрақұрылымды дамыту
- Құрылыс жобаларын іске асырудағы халықаралық қаржы институттарының рөлі
- Инженерлердің құрылыс және инфрақұрылымдық бастамаларға қатысуы
- Жол қозғалысы қауіпсіздігі инжинирингі
- FIDIC стандарттарына негізделген құрылыс жобаларын іске асыру және келісімшарттарды дайындау
- Дауларды шешу комиссияларының қызметі және халықаралық арбитраж
- Инженерлік-құрылыс секторында әлеуетті арттыру және оқыту
Форум аясындағы маңызды оқиғалардың бірі — Қазақстандағы жолдарды бағалау бағдарламасы — KazRAP таныстырылымы болады. Бағдарлама жол қозғалысы қауіпсіздігін арттыруға және елдің көлік инфрақұрылымына халықаралық стандарттарды енгізуге бағытталған.
Сонымен қатар, 11 маусымда форум аясында FIDIC Академиясының ресми семинары өтеді, онда FIDIC келісімшарттары шеңберіндегі талаптарды реттеу және дауларды шешу мәселелері қарастырылады. Оқыту халықаралық сарапшылар мен аккредиттелген жаттықтырушылар тарапынан өткізіледі, бұл қатысушылардың кәсіби құзыреттерін дамытуға елеулі үлес қосады.
Өтетін орны: Sheraton Astana қонақүйі, Сығанақ көшесі, 60/1
Қатысушыларды тіркеу және толық ақпарат: www.knapec.kz/forum
Орындар саны шектеулі. Тіркеу 2025 жылғы 5 маусымға дейін ашық.
