Алматы облысының тілдерді дамыту жөніндегі басқарма басшысы лауазымына Салтанат Дауысбекқызы Беспаева тағайындалды.
Салтанат Дауысбекқызы 1975 жылы туған. Абай атындағы Алматы мемлекеттік университетін «Қазақ тілі мен әдебиеті» мамандығы бойынша тәмамдаған. 2024 жылы Қазақ ұлттық аграрлық зерттеу университетінде «Іскерлік әкімшелендіру» мамандығы бойынша магистр дәрежесін алған.
Еңбек жолын 2000 жылы Еңбекшіқазақ ауданы Шелек ауылындағы Ыбырай Алтынсарин атындағы орта мектепте қазақ тілі мен әдебиеті пәнінің мұғалімі болып бастаған. Кейін аталған мектептің педагог-ұйымдастырушысы, директордың тәрбие ісі жөніндегі орынбасары, Еңбекшіқазақ ауданы Қызылшарық ауылындағы Мұхтар Әуезов атындағы орта мектептің директоры болды. Әр жылдары Еңбекшіқазақ ауданының білім және мәдениет бөлімдерінде басшылық қызмет атқарды. Сондай-ақ Алматы облыстық білім басқармасының басшысы, Іле аудандық білім бөлімінің басшысы лауазымдарында қызмет етті.
