Қонаев қаласының әкімі Асхат Бердіханов Сарыбұлақ ауылының тұрғындарымен кездесу барысында жаңа тағайындалған ауыл әкімінің орынбасарын таныстырды.
Шеңгелді ауылдық округі әкімінің өкіміне сәйкес, Манеев Жандос Оралбекұлы Шеңгелді ауылдық округі әкімінің орынбасары лауазымына тағайындалды.
Ол 1992 жылы дүниеге келген. Білімі – жоғары. 2015 жылы Т. Рысқұлов атындағы Жаңа экономикалық университетін, ал 2018 жылы Аймақтық әлеуметтік-инновациялық университетін тәмамдаған. Мамандығы – қаржы және құқықтану.
Бұған дейін Жандос Манеев «Қонаев Тұрғын үй» ЖШС директоры қызметін атқарған.
Кездесу барысында қала әкімі оған жүктелген міндеттердің маңыздылығын атап өтіп, ауылдың әлеуметтік-экономикалық дамуына серпін беретін жұмыстарды жүйелі түрде жүргізу қажеттілігін жеткізді.
