2026 жылғы 14 мамыр күні Алатау қаласында «Таза Қазақстан» республикалық экологиялық акциясы аясында жалпықалалық сенбілік өтті. Іс-шараның басты мақсаты – қала тазалығын сақтау, қоғамдық орындарды абаттандыру, экологиялық мәдениетті қалыптастыру және тұрғындарды ортақ іске жұмылдыру.
Сенбілік барысында қала аумағындағы көшелер, аулалар, саябақтар мен қоғамдық орындар тазартылып, санитарлық тазалау және көркейту жұмыстары жүргізілді. Тазалық акциясына мемлекеттік мекеме қызметкерлері, коммуналдық сала мамандары, еріктілер және жастар ұйымдарының өкілдері белсенді қатысты.
Шара аясында қоқыстар шығарылып, қоғамдық аумақтар ретке келтірілді. Қатысушылар туған қаланың тазалығы мен экологиялық жағдайын жақсартуға өз үлестерін қосты.
Алатау қаласының әкімдігі сенбілікке белсенді қатысқан барша азаматтарға алғыс білдіреді.
Таза қала – жайлы өмірдің кепілі. Қоршаған ортаны таза ұстау – әрбір азаматтың ортақ міндеті.
