2026 жылғы 15 мамыр күні Іле ауданының Ащыбұлақ ауылдық округі аумағында заңсыз сауданың алдын алу мақсатында кезекті рейдтік іс-шара өткізілді. Рейд барысында қоғамдық тәртіптің сақталуы мен санитарлық талаптардың орындалуы бақылауға алынып, белгіленбеген орындарда сауда жасаған тұлғалар анықталды. Нәтижесінде, заң бұзушылықтарға қатысты әкімшілік шаралар қабылданды.
2026 жылдың басынан бері жүргізілген жұмыстар аясында ҚР ӘҚБтК-нің 505-бабы бойынша 3 хаттама, 204-бабы бойынша 4 хаттама толтырылды. Ал ағымдағы рейд қорытындысы бойынша 204-бап негізінде 1 әкімшілік хаттама рәсімделді.
Азаматтарға заң талаптары түсіндіріліп, сауда қызметін тек арнайы белгіленген орындарда жүзеге асыру қажеттігі ескертілді.
Аудан әкімдігі заңсыз сауданың алдын алу және қоғамдық тәртіпті сақтау бағытындағы жұмыстардың жүйелі түрде жалғасатынын мәлімдейді.
Айта кетейік, заңнамаға сәйкес құрылған арнайы комиссия құрамында жергілікті атқарушы органдардың, құқық қорғау, салық, сәулет және қала құрылысы, жер қатынастары, кәсіпкерлік салаларының мамандары, сондай-ақ қоғамдық кеңес пен БАҚ өкілдері бар.
Комиссия тұрақты түрде мониторинг және бақылау жұмыстарын жүргізуде.
Жалпы алғанда, заңсыз сауданы жою бағытында бүгінгі күнге дейін 407 әкімшілік хаттама толтырылып, оның бір бөлігі айыппұл салу шараларымен аяқталған.
Аудан аумағында заң талаптарының сақталуын қамтамасыз ету, заңсыз сауданың алдын алу және қоғамдық тәртіпті нығайту жұмыстары алдағы уақытта да күшейтілген түрде жалғасын табады.
