Іле ауданында тұрғындардың қауіпсіздігін қамтамасыз етуге бағытталған профилактикалық жұмыстар тұрақты жүргізіледі. Қоғамдық орындардағы тәртіпті сақтау, жол қауіпсіздігі және балалардың амандығы – назардағы негізгі мәселелердің қатарында. Құқық қорғау органдары рейдтік іс-шаралар өткізіп, тұрғындарға қауіпсіздік ережелерін түсіндіреді. Әсіресе кәмелетке толмағандардың құқық бұзушылыққа араласуының алдын алуға басымдық беріледі.
Ата-аналарға балалардың бос уақытын бақылау және олардың қауіпсіздігіне жауапкершілікпен қарау қажеттігі ескертіледі. Қауіпсіз орта қалыптастыру үшін мемлекеттік органдардың ғана емес, тұрғындардың да белсенділігі қажет. Әр азамат өзіне және айналасындағыларға жауапкершілікпен қараған кезде қоғамдық тәртіп нығаяды. Қауіпсіздік пен тәртіпті сақтау Іле ауданы тұрғындарының ортақ міндеті болып қала береді.
Ерзат АСЫЛ