Жастар – мемлекеттің болашағы. Сондықтан олардың құқықтық сауатты, жауапты және заңды құрметтейтін азамат болып қалыптасуы өте маңызды. Жас кезінен өз құқықтары мен міндеттерін білген адам дұрыс шешім қабылдауға үйренеді.
Қазіргі таңда жастар түрлі ақпаратты интернеттен алады. Алайда кез келген ақпаратқа сене беруге болмайды. Заңды білу, өз құқығын қорғау және күмәнді әрекеттерден аулақ болу – әр жастың міндеті. Құқықтық сауаттылық адамды көптеген қиын жағдайлардан сақтай алады.
Жастар арасында құқықбұзушылықтың алдын алу үшін ата-ана, мектеп және қоғам бірлесіп жұмыс істеуі қажет. Жасөспірімдерге заңның маңызын түсіндіріп, олардың бос уақытын пайдалы өткізуіне жағдай жасау маңызды.
Тоғжан ЖОЛДЫҒАЛИ