Меншік құқығын қорғау – құқықтық мемлекеттің маңызды қағидаларының бірі. Әрбір азамат өз мүлкіне иелік етуге және оны заң аясында пайдалануға құқылы. Сонымен қатар басқа адамдардың мүлкіне құрметпен қарау – баршаға ортақ міндет.
Ұрлық, алаяқтық, бөтеннің мүлкін бүлдіру және заңсыз иемдену азаматтарға материалдық шығын келтіріп қана қоймай, қоғамдағы сенімге де нұқсан келтіреді. Мұндай құқық бұзушылықтардың алдын алу үшін құқықтық мәдениетті арттыру және сақтық шараларын сақтау қажет.
Жеке мүлікті қорғау әр адамның өзінен басталады. Құжаттарды, кілттерді, банк карталарын және бағалы заттарды қауіпсіз жерде сақтау маңызды. Үйден немесе жұмыс орнынан шығарда есік-терезенің жабылғанын тексеріп, жеке деректерді бөгде адамдарға бермеу керек.
Ортақ мүлікке де жауапкершілікпен қарау қажет. Көпқабатты үйлердің кіреберістері, балалар алаңдары, қоғамдық көлік пен мекеме жабдықтары – баршаға ортақ игілік. Оларды сақтау қоғамдық мәдениеттің көрсеткіші болып саналады.
Меншікке қол сұқпау және заң талаптарын орындау – әр азаматтың құқықтық жауапкершілігі. Өз мүлкімізді қорғай отырып, өзгенің де құқығын құрметтеуіміз керек.
Бөтеннің мүлкіне қол сұқпау – адалдықтың, мәдениеттіліктің және заңға құрметтің белгісі.
Тоғжан ЖОЛДЫҒАЛИ