Аялдама, саябақ, балалар алаңы мен көшедегі жарықтандыру жүйесі – тұрғындардың ортақ игілігі. Оларды бүлдіру немесе қоқыстап кету тек материалдық шығынға әкелмейді, сонымен бірге адамдардың өмір сүру ортасына да кері әсер етеді.
Қоғамдық мүлікті сақтау әр азаматтың мәдениетін көрсетеді. Біреу сындырған орындықты жөндеуге қаражат жұмсалса, ол қаражатты басқа да маңызды қажеттіліктерге бағыттауға болар еді. Сондықтан ортақ дүниеге өз мүлкіндей қарау маңызды.
Құқықтық тәртіпті нығайтуда түсіндіру жұмыстарының да орны бар. Балалар мен жастарға қоғамдық кеңістікті күтіп ұстаудың маңызын үйрету қажет. Әр адам өзінен бастаса, көшелер де таза, орта да жайлы болады.
АЙЖАРЫҚ КӨПТІЛЕУОВ