Былтыр 20-шы қараша күні өткен Президент сайлауы мен бүгінгі Парламент Мәжілісі мен мәслихат депутаттарын сайлау Қазақстан қоғамына жан бтіріп, ой салғандай. Себебі, Қасым-Жомарт Тоқаев бастаған түбегейлі саяси, әлеуметтік, экономикалық реформалар ешкімді де бейжай қалдыра алмады. Сондықтан сайлауға жастар да белсене қатысуда.
– Мен Қазақ Мемлекеттік сәулет құрылыс академиясының бірінші курсында оқимын, – дейді сағат таңғы 7 болмай сайлау учаскесінен табылған Айғаным Әбдіжәміл.
Жақында ғана 18- ге толған ару сайлау құқығына ие болғандықтан, өз таңдауын, азаматтық парызын орындауға шешім қабылдаған.
– Мен үшін елімнің ертеңі қалай болатыны бәрібір емес. Біз, жастар, әділетті, демократиялық мемлекетте өмір сүргіміз келеді. Ал ол үшін қарап отырмай, әрекетке көшу керек екенін, өз үлесімізді қосу қажет екенін жақсы түсінеміз. Заң шығарушы билікке баратын депутаттар қатарын қалыптастыру арқылы, оларға халықтың талап-тілегін жеткізу арқылы біз қоғамның дамуына өз үлесімізді қоса аламыз. Сайлауға белсене қатысу арқылы біз халық билігін жүзеге асыратындықтан мен өз даусымды бердім, – дейді Айғаным Әбдіжәміл.
Қуат ҚАЙРАНБАЕВ
Қарасай ауданы
