Қазақстанда халықтың әлеуметтік әлеуметтік аз қамтылған отбасыларынан шыққан 400 мыңнан астам балаға мектеп формасы және мектепке қажет керек-жарақтарын алу үшін материалдық көмек беріледі. Оқу-ағарту министрлігі баспасөз қызметінің хабарлауынша, биыл балаға оқу құралдарын сатып алуға берілетін қаражаттың ең төменгі мөлшері 40 567 теңгені құрайды. Көмек қаражат ата-аналардың банк шотына аударылады.
Оқу-ағарту министрлігі балалар құқығын қорғау комитеті төрағасының орынбасары Жолдас Батырханның айтуынша, берілген қаражатқан балалар ата-аналарымен бірге мектеп формасы мен аяқ-киім, оқу құралдарын өздері таңдап ала алады.
Мұқтаж отбасыларға материалдық көмек көрсету және балаларды 100% қамтамасыз ету үшін жалпыға бірдей міндетті орта білім беру қоры жұмыс істейді. «Жалпыға бірдей оқыту» қоры атаулы әлеуметтік көмек алатын отбасылардан шыққан балаларға, сондай-ақ жан басына шаққандағы орташа табысы ең төменгі күнкөріс деңгейінен төмен отбасылардан шыққан балаларға материалдық көмек көрсетеді.
Жаңа оқу жылы қарсаңында жетім және ата-анасының қамқорлығынсыз қалған балалар, төтенше жағдайға тап болған оқушылар қаржылай көмек алады. Оның ішінде Абай облысындағы апаттан қаза тапқан орманшылардың балалары бар.
