Қазақ күресінен «Қазақстан барысы – 2023» республикалық турнирінде “Әскер барысы” Ғалымжан Қырықбай топ жарып, жеңімпаз атанды.
2011 жылдан бері ұйымдастырылып келе жатқан аталған турнирге 41 палуан қатысты. Оның ішінде 33 палуан облыстардан, 2 спортшы «Әскер барысынан» және 3 қаладан тағы 6 спортшы қатысуға мүмкіндік алған.
Астанадағы «Барыс арена» спорт кешенінде өткен жарыс тартысты болды. Ақтық белдесуде Маңғыстау барысы Нұрдәулет Жарылғапов пен «Әскер барысы» Ғалымжан Қырықбай боз кілемге шықты. Белдесу кезеңінде Ғалымжан Қырықбай қарсыласынан басым түсіп, “Алтын белбеуді” иеленді.
Нұрдәулет Жарылғапов турнирдің күміс жүлдесіне ие болды. Павлодарлық Мұхтар Дәлелханұлы қолаға қол жеткізді.
Турнир жеңімпазына 25 миллион теңгенің сертификаты табысталды.
