“Қазгидромет мекемесінің дерегіне сүйенсек, бүгін түнде қалаға 2 мм қар жауды. Бұған дейін 24,5 мм қар түскені хабарланған. Бұл – орташа айлық көрсеткіштен жоғары. Ал бүгін желдің жылдамдығы секундына 9-14 метрге жетіп, ауа температурасы -16°С болып тұр.
Ауа райының қолайсыздығына қарамастан, коммуналдық қызмет көрсетуші компания жұмысын тоқтатқан жоқ. Бұған дейін қалада қар тазалауға 13 техника жұмылдырылған болса, бүгін олардың саны 16-ға жетті. Олардың қатарында қар тиеп, тазалайтын, жинақтап, сыпыратын ауыр көліктер бар. Сондай-ақ автомобиль жолдарын тазартуға 43 адам тартылды.
Еске сала кетейік, қала әкімі Нұрлан Құматаевтың тапсырмасына сәйкес, қысқы жол күтіміне жауапты мамандар күшейтілген режимде жұмыс істеп жатыр. Алдымен шаһардың күре тамыры саналатын қоғамдық көлік жүретін жолдар, кейіннен ішкі жолдар тазаланады.
