Қазақстан Президенті Қасым-Жомарт Тоқаевтың тапсырмасына сәйкес, Қонаев қаласында пайдаланылмаған жерлерді мемлекетке қайтару бойынша жұмыстар жүріп жатыр, деп хабарлайды Қонаев қаласы әкімдігінің баспасөз қызметі.
Қалалық әкімдікке қарасты жер қатынастары бөлімінің мәліметінше, жыл басынан бері апелляциялық соттың шешімімен 500 гектар, өз еркімен жерді иелену құқығынан бас тарту бойынша 5,177 га, жер пайдалану құқығы тоқтатылған 2133,7 га жер мемлекетке қайтарылған.
Ал былтыр 15000 га жер мемлекет меншігіне өткен. Аталған бағыттағы жұмыстар алдағы уақытта да жалғасады. Қазірдің өзінде жалпы көлемі 1430 гектарды құрайтын 5 іс қаралуда.
Айта кетейік, 2023 жылы Алматы облысында 224 мың гектар жер мемлекетке қайтарылған.
