Атырауда өткен Ұлттық Құрылтайда сөйлеген сөзінде Президент Қасым-Жомарт Тоқаев біраз мәселені көтерді. Солардың ішіндегі елең еткізерлігі – елтаңбаны өзгертуге қатысты ұсыныс. Президенттің пікірі бірден қызу талқыға ұласты. Қазіргідей қордаланған мәселелер жетіп-артылатын мынадай заманда елтаңбаны не үшін өзгертеміз деп қарсы шығушылар да табылып жатыр.
Елтаңба – өзімізді өзгеге таныстыратын мемлекеттік басты нышандарымыздың бірі екені анық. Геральдиканы зерттейтін мамандар кеңестік Қазақстан мен қазіргі Қазақстанның елтаңбалары ұқсас екенін айтып жүр. Президент Тоқаев күрделі дегенде гербте әрқилы идея, ой, символдардың араласып кеткенін меңзеген болуы керек деп ойлаймын. Елтаңба барынша қарапайым, түсінікті, жинақы әрі символ ретінде санада сақталып қалатындай, белгілі бір идеямен ассоциацияда болуы керек.
Диас Даниярұлы,
Ш.Уәлиханов атындағы №2 гимназияның қазақ тілі мен әдебиеті пәні мұғалімі
