Мемлекет басшысы Қасым-Жомарт Тоқаевтың бастамасымен елімізде «Таза Қазақстан» республикалық экологиялық акциясы бастау алғаны белгілі.Осы бағытта атқарылар көптеген міндет тұр.
Аудан көлемінде көркейту, көгалдандыру және санитарлық-тазалық жұмыстарын жүйелі жүргізу мақсатында аудандық «Балқаш таза су» мекемесіне жаңадан техникалар сатып алынды.
Тазалық жұмыстарын өз деңгейінде жүргізуге мүмкіндік ашатын техникалардың кілтін аудан әкімі Азат Құтпанбетов аталмыш мекеменің басшысы Бақытжан Хамзинге табыстады.
Аудан басшысының қолдауымен сатып алынған техникалардың біреуі «DONFENG-C120S» маркалы вакуумды автокөлігі су соруға арналса, ал екіншісі «DONFENG-C120N» маркалы автокөлігі арнайы қоқыс тиеуге бағытталған. Жаңа құрылғылар орнатылған автокөліктердің жұмыс жүйесін қашықтықтан да басқаруға болады. Күн сайын алдымыздан шығатын тұрмыс-тіршілігіміздегі негізгі мәселенің бірі – ауыл мен аулалардың тазалығы.
Ендігі кезекте бұл жаңа техникалардың көмегімен ауыл ішіндегі күл-қоқыстарды белгіленген арнайы қоқыс төгетін орындарға жеткізу және су сору жұмыстары еш кедергісіз атқарылатын болады деген сенімдеміз.
Өз тілшіміз
Балқаш ауданы
