Алкогольді ішімдіктерді шамадан тыс тұтыну – адамның денсаулығына, отбасына және қоғамға кері әсерін тигізетін маңызды әлеуметтік мәселелердің бірі. Ішімдікке тәуелділік адамның өмір сүру сапасын төмендетіп қана қоймай, түрлі аурулардың, құқық бұзушылықтардың және жол-көлік оқиғаларының көбеюіне себеп болады.
Көп жағдайда алкогольге әуестік зиянсыз әдет ретінде басталғанымен, уақыт өте келе ол тәуелділікке айналуы мүмкін. Ішімдік ми қызметіне, жүрек-қан тамырлары жүйесіне, бауыр мен асқазанға зиян келтіреді. Сонымен қатар адамның есте сақтау қабілеті төмендеп, ойлау жүйесі әлсірейді, мінез-құлқы өзгеріп, ашушаңдық пен агрессия күшейеді.
Алкогольдің зияны тек оны тұтынған адамға ғана емес, оның жақындарына да әсер етеді. Отбасындағы жанжалдардың, тұрмыстық зорлық-зомбылықтың, ажырасудың және балалардың психологиялық күйзелісінің негізгі себептерінің бірі – ішімдікке тәуелділік.
Жастар арасында салауатты өмір салтын қалыптастыру – алкогольдің алдын алудың ең тиімді жолдарының бірі. Спортпен шұғылдану, білімге ұмтылу, мәдени және қоғамдық шараларға белсенді қатысу адамның зиянды әдеттерден аулақ болуына көмектеседі.
Қазақстанда алкогольді шамадан тыс тұтынудың алдын алу бағытында ақпараттық-түсіндіру жұмыстары жүргізіліп, салауатты өмір салтын насихаттауға ерекше көңіл бөлінуде. Әрбір азамат өз денсаулығына жауапкершілікпен қарап, зиянды әдеттерден бас тартуы қажет.
Денсаулық – ең үлкен байлық. Ішімдіктен бас тартып, дұрыс өмір салтын таңдау – өзіңнің ғана емес, отбасың мен қоғамның жарқын болашағына қосқан маңызды үлес.