Есірткіге тәуелділік адамның денсаулығына ғана емес, оның бүкіл өміріне кері әсер етеді. Әсіресе жасөспірімдер арасында «бір рет байқап көрудің» қауіпті салдарын түсіндіру маңызды. Қылмыстық орта жастарды оңай табыс немесе қызықты өмір туралы жалған уәдемен арбауы мүмкін. Интернеттегі жасырын арналар арқылы заңсыз заттарды тарату да қоғам үшін үлкен қауіп болып отыр. Сондықтан ата-ана баласының кіммен араласатынына ғана емес, оның көңіл күйі мен мінезіндегі өзгерістерге де назар аударғаны жөн. Мектеп пен отбасы арасындағы байланыс мұндай қатерлерді ерте байқауға мүмкіндік береді. Бос уақытын спортқа, шығармашылыққа немесе пайдалы іске арнаған жас теріс ортадан алшақ болады. Күмәнді ұсыныс алған адам оның салдарын жақсы түсінуі қажет. Есірткі бизнесіне қатысу оңай ақша емес, ауыр қылмыстық жауапкершілікке әкелуі мүмкін. Жастарды бұл қатерден қорғау ақпараттандырудан және дұрыс бағыт көрсетуден басталады.
Сая ЕРБОЛАТҚЫЗЫ