Бөтеннің мүлкін заңсыз иемдену немесе бүлдіру – азаматтардың құқықтарына нұқсан келтіретін құқық бұзушылық. Мұндай әрекеттер жеке адамға ғана емес, қоғамдағы сенім мен тәртіпке де кері әсер етеді. Сондықтан меншік құқығын құрметтеу құқықтық мәдениеттің маңызды бөлігі саналады.
Кейде ұсақ ұрлық немесе өзгенің затын рұқсатсыз пайдалану елеусіз әрекет ретінде қабылданады. Алайда мұндай жағдайлар да заң талаптарына сәйкес бағаланады. Әр адам өзгенің еңбегімен тапқан дүниесіне құрметпен қарап, кез келген дауды заңды жолмен шешуге ұмтылуы керек.
Мүлікті қорғау үшін азаматтар сақтық шараларын ұстанып, құқық бұзушылыққа куә болған жағдайда тиісті органдарға хабарлағаны жөн. Заңға құрмет – өзгенің құқығын мойындаудан басталады.
Тоғжан ЖОЛДЫҒАЛИ