Елімізде атом электр станциясын салу мәселесі қоғамда қызу талқыланып жатқаны белгілі. Үкімет АЭС салатын орын ретінде Алматы облысының Жамбыл ауданы Үлкен ауылына жақын маңды алдын ала белгілеп отыр. Қазақстан Президенті Қасым-Жомарт Тоқаев бұған дейін АЭС құрылысына қатысты мәселе референдумда дауысқа салынатынын және оның күзде өтетінін айтқан. Осыған орай Алматы облысының орталығы Қонаев қаласында тұрғындар арасында қысқаша сауалнама өткізілді. Тілшілер тұрғындардан АЭС салуға қатысты көзқарасын сұрап көрді.
Сауалнамаға жауап берген тұрғындардың көбі елде АЭС салуға қарсы емесін білдірді. Сауалнамаға қатысқандардың, оның ішінде жастардың айтуынша, АЭС салынса елде электр қуаты тапшылығы азайып, жұмыс орындары ашылады.
