Азаматтық бастамаларды қолдау орталығының «Тілдік және этникалық белгілері бойынша ар-намыс пен қадір-қасиетті қорлаудың кез келген нысандарына жол бермеу» жобасы аясында «Жаңа-Ру» жастар коалициясының қауымдастығы» заңды тұлғалар бірлестігінің ұйымдастыруымен «Мен жастарға сенемін!» атты ақын өлеңдерін оқу байқауы өтті.
Қыркүйектің соңында өткен байқауға Алматы, Жамбыл, Түркістан облыстары мен Алматы, Шымкент қалаларынан 16-40 жас аралығындағы этнос өкілдерінен барлығы 50 адам қатысты.
Байқауға қатысушысылар төмендегі тақырыптар бойынша ақын өлеңдерін оқып, өздерінің құжаттарымен бірге Абай Құнанбайұлының шығармашылығынан бір өлең және еркін тақырыпта өлең оқып, бейнероликтерді jana_ru@bk.ru электронды поштасына жолдады.
Қазылар алқасы қатысушылардың орындау шеберлігіне, өлең мазмұнына, мәдениеті мен киім үлгісіне, репертуарының байқау ережесіне сәйкестігіне баса назар аударды.
Комиссия отырысының талқылау барысында қатысушылар арасында 0-ден 10-дейінгі аралықтағы бағалау нәтижесінде баллдарының бірдей болуына байланысты жүлделі орындарды бағалау бойынша 1-орынды екі адамға, 2-орынды екі адамға, 3-орынды екі адамға беру және ынталандыру сыйақыларын 100 мың теңгеден төрт адамға емес, 50 мың теңгеден сегіз адамға беру туралы шешім қабылданды.
Нәтижесінде қазылар алқасының шешімімімен жүлдеді 1-орынды Түркістан облысынан Захро Ирисметова (өзбек, 250 мың теңге) мен Жамбыл облысынан Аяна Ким Аяна (кәріс, 250 мың теңге) иеленді. Ал, жүлделі 2-орынды Шымкент қаласынан Патимат Исраилова (шешен, 150 мың теңге) мен Жамбыл облысынан Нури Амоева (күрд, 150 мың теңге) жеңіп алды. Сондай-ақ, жүлделі 3-орынды Ханумхас Ахметова (күрд, 100 мың теңге) мен Дилмира Бекташова Дилмира (өзбек, 100 мың теңге) иеленді.
Ал, ынталандыру сыйақысын 50 мың теңгеден Түркістан облысынан Дилноза Сайтова (өзбек, 50 мың теңге) мен Диана Жаппарова (өзбек, 50 мың теңге) алса, Жамбыл облысынан Эсмер Дурсунова (түрік, 50 мың теңге) иеленді, ал, Алматы облысынан Дина Маханбет (күрд, 50 мың теңге), Милада Назирова (ұйғыр, 50 мың теңге), Гульбаяз Камалова (күрд, 50 мың теңге), Индира Асанова (әзербайжан, 50 мың теңге), Елдыз Каримова (ұйғыр, 50 мың теңге) иеленді.
Арайлым Әбдуалиева,
“Жаңа-Ру” жастар коалициясы ЗТБ-ның жоба жетекшісі
