Алматы облысы әкімінің өкімімен Асқар Тасболатұлы Тойшыбеков облыстық жұмылдыру дайындығы, аумақтық және азаматтық қорғаныс басқармасының басшысы болып тағайындалды.
Асқар Тасболатұлы 1975 жылы туған, білімі – жоғары. 1999 жылы Қазақстан Республикасы Ішкі істер министрлігінің Алматы техникалық институтын «Өрт қауіпсіздігі» мамандығы бойынша бітірген. Еңбек жолын 1995 жылы Алматы облыстық ішкі істер басқармасының мемлекеттік өртке қарсы қызметі Текелі қалалық мемлекеттік өрт қадағалау бөлімінің инженері қызметінен бастаған. Әр жылдары Алматы облысында өрт сөндіру және авариялық-құтқару қызметінде, сондай-ақ, төтенше жағдайлар департаментінде әртүрлі салада еңбек еткен. 2020-2024 жылдар аралығында Алматы облыстық төтенше жағдайлар департаментінің бастығы лауазымында болды.
