Алматы облысында “Қарасора-2023” жедел-алдын алу іс-шаралары барысында Балқаш ауданы, Ақбайлау ауылының аумағында есірткі өсімдігін заңсыз өсіру дерегі анықталды.
Аталған оқиғаға қатысты дерек қылмыстық кодекстің 300-бабы 4-бөлігі бойынша аудандық полицияда тіркелген. Соның нәтижесінде 1951 жылғы Д. есімді жоғарыда аталған аумақтың иесі ұсталды.
Күдіктінің ауданы 1 гектар жер учаскесінде құрамында есірткі заттары бар, өсіруге тыйым салынған өсімдіктерді заңсыз өсіргені анықталған. Тәлкіленген заттың жалпы салмағы шамамен 5 тоннаны құраған.
«Сондай-ақ тінту барысында күдіктіден екі иір ойықты мылтық, үш тегіс ұңғылы мылтық, 5,56 мм оқтары бар оқсауыт, тепловизор, лазерлі көздеу және басқа да қару-жарақтың керек-жарақтары анықталып, тәркіленді. Бұл дерек бойынша Қылмыстық кодекстің 287-бабы (Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру) бойынша жеке қылмыстық іс жүргізу басталды», – делінген Ішкі істер министрлігі таратқан мәліметте.
Аталған деректер бойынша тиісті сараптамалар тағайындалып, тергеу іс-шаралары жүргізіліп жатыр.
