Қоғамдық қауіпсіздік – елдегі тұрақтылық пен азаматтардың алаңсыз өмір сүруінің маңызды негізі. Бұл бағыттағы нәтижелі жұмыс мемлекеттік органдар мен қоғамның өзара түсіністігіне және бірлескен әрекетіне байланысты. Құқық қорғау органдары қоғамдық тәртіпті сақтау бойынша профилактикалық шараларды тұрақты жүргізіп келеді. Қоғамдық орындардағы қауіпсіздікке бақылау күшейтіліп, заманауи технологиялардың мүмкіндіктері пайдаланылуда. Дегенмен қауіпсіздікті қамтамасыз ету тек мамандардың міндеті емес. Тұрғындардың қырағылығы мен жауапкершілігі де маңызды рөл атқарады. Күдікті жағдайға куә болған азаматтың дер кезінде хабарлауының өзі құқық бұзушылықтың алдын алуға мүмкіндік береді. Халық арасында құқықтық сауаттылықты арттыруға бағытталған кездесулер мен түсіндіру жұмыстары да жүйелі түрде өткізіледі. Әсіресе жасөспірімдер мен жастарға заңды құрметтеу, өз құқығы мен міндетін білу жөнінде түсіндірудің маңызы зор.
Қауіпсіз орта адамдардың бір-біріне деген сенімі мен өзара қолдауынан қалыптасады. Әр азамат ортақ тәртіпке жауапкершілікпен қараған кезде ғана қоғамдағы тұрақтылық нығая түседі. Сондықтан қауіпсіздік – баршаға ортақ құндылық әрі ортақ міндет.
Сая ЕРБОЛАТҚЫЗЫ