Бүгінде алаяқтың бейнесі бұрынғыдай бейтаныс адаммен ғана байланысты емес. Ол телефон арқылы хабарласатын «банк қызметкері», әлеуметтік желідегі таныс аккаунт немесе жоғары табыс уәде ететін «инвестициялық жоба» болуы мүмкін.
Интернет алаяқтардың басты қаруы – адамның сенімін пайдалану. Олар асықтырады, қорқытады немесе оңай ақша табуға қызықтырады. Нәтижесінде азаматтар өздерінің банк картасының деректерін, SMS-кодтарын немесе басқа да құпия ақпаратын айтып қоюы мүмкін.
Қаржы пирамидалары да осы сенімге негізделеді. Мұндай жобалар көбіне қысқа уақытта жоғары табыс табуға уәде беріп, жаңа қатысушылардың ақшасы есебінен жұмыс істейді.
Сондықтан цифрлық дәуірде қаржылық сауаттылықтың маңызы артып отыр. Кез келген күмәнді ұсынысты тексеру, бейтаныс сілтемелерге өтпеу және құпия кодтарды ешкімге айтпау – қарапайым қауіпсіздік шаралары. Ақпаратты тексермей сену – алаяқ үшін мүмкіндік. Ал сақтық – азаматтың ең мықты қорғаны.
Тоғжан ЖОЛДЫҒАЛИ