Алкогольді шамадан тыс тұтыну адамның денсаулығына ғана емес, оның отбасына және әлеуметтік ортасына да кері әсер етеді. Кей жағдайда алкоголь ішімдігін пайдалану жанжалға, тұрмыстық зорлық-зомбылыққа, жол-көлік оқиғаларына және басқа да құқық бұзушылықтарға себеп болуы мүмкін. Сондықтан алкоголизмнің алдын алу тек медициналық мәселе ретінде қарастырылмауы керек. Бұл – әлеуметтік және қоғамдық қауіпсіздікке де тікелей қатысты мәселе.
Алдын алу жұмыстары әсіресе жастар арасында маңызды. Спортпен айналысу, шығармашылыққа қызығу, пайдалы орта қалыптастыру және бос уақытты тиімді өткізу зиянды әдеттерден аулақ болуға мүмкіндік береді. Адамның өз денсаулығы мен болашағына жауапкершілікпен қарауы – профилактиканың ең алғашқы қадамы.
Зиянды әдеттен бас тарту – бір нәрседен айырылу емес. Керісінше, бұл адамның өз денсаулығын, отбасын және болашағын таңдауы.
Тоғжан ЖОЛДЫҒАЛИ