Қазіргі кезде жеке мәліметтердің басым бөлігі цифрлық ортада сақталады. Әлеуметтік желілер, электрондық пошта және мобильді қосымшалар күнделікті өмірдің ажырамас бөлігіне айналды. Алайда аккаунттарды жеткілікті деңгейде қорғамау жеке ақпараттың таралуына немесе қаржылық шығынға әкелуі мүмкін.
Киберқауіпсіздікті қамтамасыз ету үшін әр сервиске күрделі әрі бір-бірінен өзгеше құпиясөз қолданған жөн. Мүмкіндік болған жағдайда екі факторлы аутентификацияны қосып, белгісіз құрылғылардан аккаунтқа кіру әрекеттерін бақылау керек. Сондай-ақ қосымшаларды ресми дүкендерден жүктеп, құрылғылардың қауіпсіздік жаңартуларын уақытында орнату маңызды.
Интернеттегі әрбір әрекет жауапкершілікті талап етеді. Жеке деректерді қорғауды әдетке айналдыру киберқылмыстың алдын алуға және цифрлық кеңістікте қауіпсіз болуға мүмкіндік береді.
Тоғжан ЖОЛДЫҒАЛИ