Алматы облысында АИТВ-инфекциясына қарсы профилактикалық жұмыстар жүргізілуде
Өткен жылы Алматы облысында АИТВ-инфекциясына жаңадан шалдыққан 263 адам тіркелді. Бұл көрсеткіш 2022 жылмен салыстырғанда 3 адамға аз. Өкінішке қарай, науқастар арасында 1 мен 4 жас аралығындағы балалар да бар. Атап айтсақ, Алматы облысында 3 бүлдіршіннен аталған инфекция анықталған.
Мамандар АИТВ-инвекциясының таралу жолдарына тоқталды. Олардың сөзінше, ең көбі жыныстық жолмен ( 77,9%), парентеральды ( 12,5%), вертикальдық (1,1%)сипатта таралады. Аталған инфекцияны жұқтыратындардың басым бөлігі 30-39 жас аралығыдағы азаматтар. Олардың 31,9%-ы індетке шалдыққан.
Алматы облысында АИТВ жұқтырғандардың 95%-ы өз мәртебесін біледі, олар арнайы антиретровирустық ем қабылдап, вирустық супрессияға қол жеткізді. Зертханада облыс тұрғындары арасында ИФА көмегімен АИТВ скринингтік зерттеулер жүргізіледі. Халықтың негізгі топтары арасында АИТВ инфекциясының алдын алу мақсатында аудандарда 2 Достық кабинеті мен 7 сенім пункті жұмыс істейдің, оның біреуі жылжымалы.
2024 жылдың басындағы есеп бойынша 2358 адам диспансерлік тіркеуде тұр, оның 46-сы 15 жасқа дейінгі балалар, алайда ерекше назар аударуды қажет ететін жағдайлар бар. Мысалы, ВИЧ инфекциясын жұқтырған ата-аналар мен олардың балалары емдеуден және дәрігерлердің бақылауынан бас тартады. Осыған байланысты ата-аналармен профилактикалық жұмыстар жүргізілуде.
