«Таза Қазақстан» экологиялық акциясы аясында Райымбек ауданының – орталығы Нарынқол ауылында және ауданның барлық елді мекендерінде “Киелі мекен” апталығына байланысты жалпыхалықтық сенбілік өткізілді. Сенбілікке аудан халқы жоғары көңіл күймен және белсенділікпен қатысты. Сенбілікке ауданнан 2500-ге жуық адам қатысты. Сенбілікке қатысушылар елді мекендердің барлық көшелеріне, саябақтарына тазалық жұмыстарын жүргізді.
Сенбілік барысында жиналған қоқыстар арнайы техникамен қоқыс полигонына шығарылды.
Сонымен қатар сенбілік жұмысы аяқталғаннан кейін тазалыққа қатысқан аудан халқына түскі ас берілді. Тазалықты сақтау – тәрбие. Сондықтан бұл мәселеге қоғам болып атсалысуымыз қажет.
