Алматы облысының кәсіпкерлер палатасы мен ТЖД арасында өзара ынтымақтастық туралы Меморандумға қол қойылды. Меморандум аясында кәсіпкерлердің заңды мүдделері мен құқықтары қорғалатын болады. Бұл туралы Өңірлік коммуникациялар қызметінің ақпараттық алаңында Алматы облысы Төтенше жағдайлар департаменті мемлекеттік өрт бақылау басқармасының бастығы Самат Кенжеханұлы мен Атамекен ӨКП салалық даму жөніндегі директоры Ержан Нүсіпбекұлы баяндады.
Меморандум шеңберінде кәсіпкерлермен кездесулер өткізілді. Онда былтыр бизнес субьектілері үшін өрт қауіпсіздігін тексерудің ерекше тәртібі түсіндірілды. Биыл да бұл меморандум жалғасын таппақ.
Спикердің айтуынша, профилактикалық бақылау жылына бір рет және 2 жылда бір рет жүргізіледі. Тексеріс барысында өрт қауіпсіздік ережелерін сақтамаған кәсіпкерге ескертпе беріледі.
Былтыр облыс бойынша 522 нысанға тексеру жүргізілдіп, 6159 бұзушылық анықталған. Жеке кәсіпкерлерді тексеру бойынша 160 нысан тексеріліп, 1852 өрт қауәпсіздік ережелері сақталмағаны анықталды. Бұдан бөлек, жеке кәсіпкерлік субъектілеріне қатысты жоспардан тыс 62 тексеру жүргізілген. Азаматтық қорғау органдарының, сондай-ақ объектілер басшыларының өздері қабылдаған шараларға қарамастан, 2023 жылы 50 мәрте өрт болып, 12 млн 650 мың теңге материалдық шығын келген.
«Нысанда өрт қауіпсіздігі ережелерін сақтамай пайдаланған жағдайда өрт шығады. Сол себепті департаменттің аумақтық бөлімшелері кәсіпкерлерге өрт қауіпсіздігі ережелерін сақтау туралы сабақтар өткізіп жатыр», — деді Самат Кенжеханұлы.
Брифинг соңында өрттің алдын алу мақсатындағы қауіпсіздік ережелері туралы жан-жақты айтылды.
