Ғасырдан астам ғұмыр кешіп, елмен бірге талай тарихи кезеңді өткерген 104 жастағы қарт ана Раушан Нұрахынова бүгін Қазақстан Республикасы Құрылтай депутаттарының сайлауына қатысып, өзінің азаматтық таңдауын жасады. Раушан Нұрахынова – ел тарихының талай белесін көрген, бірнеше буынның тәрбиесін берген ақ жаулықты абыз ана. Жасы жүзден асқан абыз ана Райымбек ауданы Сарыбастау ауылындағы №781 сайлау учаскесіне келіп, дауыс беріп, ел болашағына бейжай қарамайтынын білдірді. Раушан әже – бірнеше ұрпаққа ақылын айтып, батасын берген, елдің өткені мен бүгінін сабақтастырып отырған ақ жаулықты абыз ана. Оның өмір жолы – ел тарихымен бірге өрілген тағылымды ғұмыр. Қарт ананың сайлау учаскесіне келіп, дауыс беруі – «Ел тағдырына әр азаматтың таңдауы маңызды» деген ұлағатты ұғымның жарқын көрінісі.
Сайлаудан кейін ақ жаулықты ана жүрекжарды тілегін білдіріп, елдің амандығы мен халықтың бірлігіне, ұрпақтың болашағына ақ батасын берді.
