Сайлау учаскесі жұмысын енді бастаған. Ал Әл-Фараби атындағы Қазақ ұлттық университетінің студенті Лаура Тоқанова дауыс беруге келіп үлгерді. 23 тамызда ол №361 сайлау учаскесінде Құрылтай депутаттарының сайлауында алғашқы болып бюллетень алды.
Лаура Тоқанова учаскеге таңертең, дауыс беру басталған уақытта келген. Құжаттарын тексергеннен кейін комиссия мүшелері оған осы күнгі алғашқы бюллетеньді берді.
– Ертерек келіп, дауыс берейін деп шештім. Учаскеге келгенде бірінші екенімді білдім. Арнайы жоспарлаған жоқпын, осылай сәйкес келді, – деді Лаура.
Дауыс бергеннен кейін оған алғашқы сайлаушы ретінде естелік сыйлық табысталды.
Осылайша, №361 сайлау учаскесіндегі 23 тамыздың алғашқы дауыс беру рәсімі Байсерке тұрғыны Лаурадан басталды.
Ол бірінші болуды жоспарламаған. Тек өзгелерден ертерек келген.
Іле ауданы