1 мамыр Қазақстан халқының бірілік күініне орай Еңбекшіқазақ ауданындағы этномәдени орталық жетекшілері Қаракемер ауылындағы 6654 әскери бөлімінің жеке құрамымен кездесті.
Кездесуде сөз алған аудан әкімінің орынбасары Ертай Нұрмаханов көп этносты өңірдің уақыт ағысымен бірге түлеуіне осындағы тұрғындардың айырықша үлес қосқандағын айтты.
– Біз республикадағы іргелі әрі көп этносты ауданбыз. Осындағы әр этнос жұртшылығы өңіріміздің бүгінгі келбетін бірге жасай беретіндігіне сенемін. Баршаларыңызды Қазақстан халқының бірілігі күнімен құттықтаймын!, – деді Ертай Сұлтанәліұлы. Кездесуде сөз сөйлеген этномәдени орталықтардың жетекшілері Мемлекет басшысы Қасым-Жомарт Тоқаевтың Қазақстан халқы Ассамблеясының ХХХІІІ сессиясының отырысында сөйлеген сөзін тілдеріне тиек етіп, «тарих тоғыстырған тағдырлары бір» екенін баяндады.
Кездесу соңында 6654 әскери бөлімі командирінің тәрбие және әлеуметтік-құқықтық жұмыстар жөніндегі орынбасары Омар Қуанышбаев этномәдени орталық жетекшілеріне алғыс хаттар табыс етті.
Ерзат Асыл,
Еңбекшіқазақ ауданы
