Қазақстанда алғаш қолданысқа берілген жылжымалы медициналық кешен Алматы облысының шалғай аймақтарындағы халықты онкологиялық скринингтен және профилактикалық тексеруден өткізуді бастады. Кеген ауданында аталған кешеннен екі күнде 200-ге жуық адам тексеруден өтті.
Медициналық құрал-жабдықтармен қамтылған 2 көліктен тұратын жылжымалы медициналық кешен томосинтез функциясы бар сандық маммографиялық жабдықпен, сараптама жасайтындай деңгейдегі ультрадыбыстық жүйемен және жоғары деңгейде зерттейтін компьютерлік томографпен жабдықталған.
Айта кету керек, медициналық кешенді Алматы облысына «Қазақстан халқына» қоғамдық қоры табыстаған болатын.
