Алматы облысының Жетіген ауылы облыстық маңызы бар қала мәртебесін иеленіп, Алатау қаласы деген атауға ие болды. Бұл туралы Қазақстан Президенті Қасым-Жомарт Тоқаев арнайы қаулы шығарды. «Қазақстан Республикасының әкімшілік-аумақтық құрылысы туралы» заңына сай шығарылған қаулыда Алматы облысының Іле ауданынан Жетіген ауылы бөлініп, қайта ұйымдастырылатыны айтылған.
Жетіген ауылын облыстық маңызы бар қала санатына қосу және оны Алатау деп атау туралы ұсыныс бұған дейін ашық Нормативтік-құқықтық актілер порталында жарияланған.
Жетіген — Алматы облысының Іле ауданындағы ауыл, Жетіген ауылдық округінің орталығы, темір жол стансасы.
