Қазіргі таңда цифрландыру саласының қарқынды дамуы мемлекеттік қызметтерді алу тәсілдерін айтарлықтай жеңілдетті. Енді азаматтар көптеген мемлекеттік қызметтерді үйден шықпай-ақ, смартфон арқылы пайдалана алады. Бұл – уақытты үнемдеуге, халыққа қолайлы жағдай жасауға және мемлекеттік қызметтердің қолжетімділігін арттыруға бағытталған маңызды қадам.
Қазақстан Республикасында электрондық үкімет жүйесін дамыту аясында азаматтарға арналған қызметтер электрондық форматта ұсынылуда. Соның ішінде eGov Mobile мобильді қосымшасы мемлекеттік қызметтерді смартфон арқылы алуға мүмкіндік беретін тиімді құралдардың бірі болып табылады. Аталған қосымша арқылы азаматтар қолжетімді электрондық қызметтерді пайдаланып, жеке кабинетіне қатысты ақпаратты қарап, электрондық құжаттарымен таныса алады. Сонымен қатар, кейбір анықтамалар мен құжаттарды онлайн алу мүмкіндігі бар. Бұл азаматтардың мемлекеттік мекемелерге бару қажеттілігін азайтып, қызмет алу үдерісін жеңілдетеді.
Электрондық қызметтердің басты артықшылығы – қолжетімділік пен уақыт үнемдеу. Бұрын белгілі бір анықтаманы алу немесе өтініш беру үшін мемлекеттік мекемеге бару қажет болса, қазір көптеген қызметтерді интернет арқылы алуға болады. Бұл әсіресе ауылдық жерлерде тұратын азаматтар үшін маңызды, себебі жолға кететін уақыт пен шығынды азайтуға мүмкіндік береді. Сондай-ақ, азаматтар мемлекеттік органдарға электрондық түрде өтініш жолдап, тиісті ақпараттық жүйелер арқылы өтініштерінің қаралу барысын бақылай алады. Бұл халық пен мемлекеттік органдар арасындағы байланысты жеңілдетіп, мемлекеттік қызмет көрсету үдерісінің ашықтығын арттыруға ықпал етеді. Дегенмен, цифрлық қызметтерді пайдалану кезінде ақпараттық қауіпсіздік талаптарын сақтау қажет. Азаматтар өздерінің жеке деректерін, электрондық цифрлық қолтаңба кілттерін және құпиясөздерін бөгде адамдарға бермеуі тиіс. Тек ресми интернет-ресурстар мен сенімді мобильді қосымшаларды пайдалану маңызды.
Құрметті тұрғындар! Мемлекеттік қызметтерді электрондық форматта алу мүмкіндіктерін тиімді пайдаланып, цифрлық сауаттылықтарыңызды арттырыңыздар. Қажетті қызметтерді смартфон арқылы алу – уақытты үнемдеудің, жұмысты жеңілдетудің және заманауи технологиялардың мүмкіндіктерін пайдаланудың қолайлы жолы. eGov Mobile-мемлекеттік қызметтер жөнінде ақпарат немесе мәліметтер керек болса, Кеген ауданының «Шырғанақ ауылдық округі әкімінің аппараты» ММ-нің мамандары әрдайым көмектесуге дайын.
Маржан МҰХАНОВА,
Кеген ауданының «Шырғанақ ауылдық округі әкімінің
аппараты» ММ-нің құрылымдық бөлімше басшысы