Туған өлкенің тазалығы – әрбір тұрғынның мәдениеті мен жауапкершілігін көрсететін маңызды өлшем. «Таза Қазақстан» жалпыұлттық бастамасы қоршаған ортаны қорғауға және елді мекендердің көркеюіне бағытталған. Аталған бастама аясында көшелерді, саябақтарды, арықтар мен қоғамдық орындарды таза ұстаудың маңызы арта түсуде. Тазалық жұмыстарына тұрғындармен қатар жастардың да белсенді қатысуы экологиялық сананың қалыптасуына ықпал етеді. Әр адам қоқысты белгіленген орынға тастап, табиғи ресурстарды ұқыпты пайдалануға дағдылануы қажет. Таза аула мен көрікті көше – ортақ еңбектің нәтижесі. Сондықтан туған жердің тазалығын сақтау әр азаматтың күнделікті міндетіне айналуы тиіс.
Тоғжан ЖОЛДЫҒАЛИ