Алматы облысының әкімі Марат Сұлтанғазиев өңір тұрғындарын 9 мамыр – Жеңіс күнімен құттықтады.
“Қымбатты отандастар, ардақты ардагерлер!
Сіздерді 9 мамыр – Жеңіс күнімен шын жүректен құттықтаймын!
9 мамыр! Бұл – адамзат тарихындағы ең ауыр қантөгіс соғыс аяқталған ақжолтай күн.
Бұл күн – қан майданда парыз бен намысты алға қойған, елі мен жерінің бостандығы үшін жан аямай, қатыгез жауға төтеп берген табанды да қайсар мінезді жауынгерлеріміздің және тылда тынымсыз еңбек еткен аталарымыз бен апаларымыздың биік рухты мерекесі. Бізге бейбітшілік пен тыныштық сыйлаған, болашақ ұрпақтың бейбіт аспан астында өмір сүруі үшін жанын құрбан еткен барлық ардагерлер мен тыл еңбеккерлеріне басымызды иіп тағзым етеміз.
Төрткүл әлемге танылған айбынды елімізде бейбітшілік мәңгі салтанат құрып, абырой-даңқы арта берсін! Жерімізге тыныштық, отбасыларыңызға бақ-береке тілеймін!
Жеңіс туы желбіреген қастерлі мереке құтты болсын!” делінген облыс әкімінің құттықтауында.
