Отбасындағы өзара сыйластық пен түсіністік қоғамдағы тұрақтылықтың маңызды негіздерінің бірі. Үйде бала өзін қауіпсіз сезініп, ата-анасынан қолдау мен жылу көруі қажет. Ұрыс-керіс пен күш көрсету отбасындағы психологиялық ахуалға кері әсер етіп, әсіресе балаларға ауыр салмақ түсіреді. Сондықтан туындаған мәселелерді ашық сөйлесу, сабырлылық және өзара құрмет арқылы шешуге ұмтылған жөн. Қиын жағдайға тап болған отбасылар мамандардың көмегіне жүгінуден тартынбауы керек. Зорлық-зомбылыққа көз жұма қарамай, оның алдын алу қоғамның ортақ жауапкершілігі екенін түсіну маңызды. Мейірім мен құрметке негізделген отбасы – қауіпсіз әрі берекелі қоғамның бастауы.
Ерзат АСЫЛ