Құқықтық сауаттылық – қоғамдағы тәртіп пен тұрақтылықтың маңызды негіздерінің бірі. Өз құқықтары мен міндеттерін білетін азамат заң талаптарын сақтауға және өз мүддесін заңды жолмен қорғауға бейім болады.
Кейде адамдар құқықтық нормаларды білмегендіктен түрлі қиындықтарға тап болып жатады. Алайда заңды білмеу жауапкершіліктен босатпайды. Сондықтан әрбір азамат күнделікті өміріне қатысты негізгі құқықтық талаптардан хабардар болуы қажет.
Құқықтық мәдениет отбасынан, мектептен және қоғамнан қалыптасады. Балаларға кішкентай кезінен заңға құрметпен қарауды үйрету – құқықбұзушылықтың алдын алудың тиімді жолы.
Заңды сақтау – тек міндет емес, ол әр азаматтың қауіпсіздігі мен құқықтарын қорғаудың кепілі. Қоғамда әркім өз құқығын біліп, өзгенің құқығын құрметтеген жағдайда әділеттілік пен тәртіп нығая түседі.
«Заң мен тәртіп» қағидаты – қауіпсіз және жауапты қоғам қалыптастыруға бастайтын ортақ құндылық.
Алтынай СЕЙІТКЕН