Іле ауданында тұратын белгілі кәсіпкер Нұрлан Түймелиев Желтоқсан көтерілісіне қатысқан жергілікті қаламгер Бағдат Қашқынбаеваға үй салып берді.
Кәсіпкер Нұрлан Түймелиев қайырымдылық жасауды өзінің азаматтық парызы деп санайды. Сондықтан талай игі істің ұйытқысы болып жүр. Өткен жылы жас отбасыға баспана сыйлаған еді. Енді міне, қазақтың қайсар қызын қуанышқа бөлеп отыр.
«Отбасыммен кішкентай ғана екі бөлмеде ширек ғасыр тұрып келдім. Кең үйге қол жеткізу арман болып жүргенде Нұрлан бауырым тосынсый жасады», – деді Бағдат Қашқынбаева. Қаламгер кәсіпкерге арнаған жыр жолдарын оқып берді.
Сауабы сансыз іске мұрындық болған жомарт жанға көпшілік дән риза болды.
Бағдат Шойбасов
